XISKUAMA PA K’U̷ RA JICHIJI K’U̷ MANJI JA RGA KICHIJI K’A NE JÑAJI K’A IEEM

NGUMU̷ K’U̷ YAXU̷ A MEB’ONDO

¿Gi pa̱ra̱ge k’u̷ so̷’o̷ ri dyoru̷ ne jñaji k’a IEEM?

¿Ja so̷’o̷ ri dyoru̷ ke jñaji?

K’a Plataforma Nasional k’a Transparensia (PNT) o k’a ne Sistema k’u̷ kichi k’a ne jñaji yo meb’ondo (SAIMEX) k’a yo ts’ijña electroniko https://www.plataformadetransparencia.org.mx ñe https://www.saimex.org.mx

Na nu pa’a k’u̷ ya i kichi k’a ne ts’ijña elektroniko, so̷’o̷ ri tsjage:


1. Ri dyopju̷ ñe ri ñusp’u̷ i chju̱’u̱ ñe i kontraseña. Dya kja ri dyopju̷ i chju̱’u̱ 
k’ u̷ na kjuana.

2. Ri ts’idyopju̷ ne jñaji k’u̷ i ne’e ri dyoru̷.

3. I juajnu̷ ne IEEM nzakja nte’e.

4. I meya ja rgi unu̷ ne jñaji: PNT, SAIMEX, xiskomu̷ k’u̷ na jo’o, xiskomu̷ k’u̷ yaxu̷ji,CD,USB, naño tsosa.

5. Ri kjuarge ñe ri penk’e ni xiskomu̷. ¡Me na se̷zhi!

Xo ri penk’e ni xiskomu̷ kan e korreo transparencia@ieem.org.mx o ri presentao na ts’iopju̷ ñe ri penk’e k’a ne modulo k’u̷ kichi ne jñaji k’a ne Unidad de Transparencia k’a IEEM o ri tsjage nzakja k’u̷ ri ñage, mbo korreo postal, mensajeria o telegrapjo.

¿Pje̷ ma ts’ib’e̷pji so̷’o̷ ra unu̷ji ne jñaji?


So̷’o̷ ri dyoru̷ k’u̷ ke jñaji k’u̷ ri penk’e nzakjaji:
- SAIMEX o PNT
- K’u̷ ra ña’a
- Ra dyonu̷ natsetjo
- Yo xiskomu̷
- Yo xiskomu̷ k’u̷ ba yaxu̷
- O Disko
- Naño tsosa

¿Ba ngo̱t’u̷ ma ra oru̷ji ne jñaji k’a IEEM?
Dya ri ngo̱t’u̷, ma ra oru̷ji ne jñaji nzakja k’u̷ ra pjongu̷ji xiskomu̷ k’u̷ ba yaxu̷ji, nzakja ra oru̷ji yo disko o k’u̷ ra penpeji k’a na ts’ijñiñi k’u̷ dya ra ngeje ne ts’ingumu̷ k’a IEEM.

¿Janzi pa’a ne IEEM ra ndu̷ru̷ji ne xiskomu̷ ko jñaji?
Nzakjaji ma dya mezhe nzakja dyech’a ts’ich’a pa’a ndeze k’u̷ o oru̷ angeze ñe ri mezhe asta yencho pa’a .

¿Pje̷ ma kjogu̷ji ma in xiskomu̷ ko jñaji dya na kjuana?
Ne Unidad de Transparencia ra xits’i ngeje akjanu ri dyopju̷ na jo’o yo jñaji.



¿Pje̷ ma tju̷ru̷ ra unu̷ji k’a in xiskomu̷ ko jñaji ma dya tje̷’e̷ ne IEEM?

Ne Unidad de Transparencia ra xits’i nzakja jñi’i pa’a ndeze k’u̷ o sa̷ja̷ in xiskomu̷ ñe ra xits’i pje̷ ma ts’ingumu̷ ra ndu̷ru̷ k’u̷ i dyoru̷.

¿Pje̷ ma kjogu̷ ma ri oru̷go jñaji k’u̷ ya ba ñuspu̷jiba?

Ra xits’i ne jñiñi ñe ja rgi ri jyod’u̷, ri pjongu̷ o ri tje̷’e̷ ne jñaji.

¿Pje̷ so̷’o̷ ra kjago ma dya ri nego ne tju̷ru̷ ko tje̷’e̷ in xiskomu̷?

So̷’o̷ ri presentao natsetjo ne xiskomu̷ na yeje o mbo yo ts’ib’e̷pji electroniko k’a ne INFOEM o k’a ne Unidad de Transparensia k’a IEEM, nzakja dyech’a ts’ich’a pa’a ma ne zana ma o unu̷ ne tju̷ru̷ k’a i xiskomu̷ ko jñaji.

Ma ri pe̷s’ige na tr’onu̷ nzakja ne jichi o ja rgi tsja’a ni xiskomu̷ ko jñaji, so̷’o̷ ri mage k’a yo ts’ingumu̷ k’a Unidad de Transparensia k’a IEEM k’u̷ ba ja̷ba̷ji k’a Paseo Tollocan, nu pezhe 944, andu̷bu̷, nu Ts’ijñiñi a Ts’ita Ana Tlapaltitlan, nu C.P. 50160, k’a ne zu̷nu̷ nzincho ma xo̱ru̷ asta ne zu̷nu̷ ts’ich’a ma nzha̷’a̷, ma nonexi asta mberraxi, o ma ga jo’o, ri ñage k’a yo pezhe 01800 712 43 36 dya kja ri ngo̱nt’u̷ o 01 (722) 275 7300 k’a estensio 3055 ñe, k’a pjax 01 (722) 275 7300, k’a estensio 3055 ñe 8451, o k’a yo korreo transparencia@ieem.org.mx o juan.hernandez@ieem.org.mx.